ഒരുപാട് നേരം ഇനിയും !!

കാത്തിരുന്നു ഒരുപാട് നേരം 

മൗനിയായി, പിന്നെ

ഹിജാസ്സിന്റെ മലമുകളിലിരുന്ന്

മേഘങ്ങളോട് അറിയാതെ സല്ലപിച്ചിരുന്നു.

മരുഭൂമിയിലൂടെ കൂട്ടമായി നീങ്ങുന്ന ഖാഫില സംഘം 

എന്നെ നോക്കി പുഞ്ചിരിതൂകമ്പോൾ

മൈലുകൾക്കപ്പുറത്തു നിന്നു മദ്‌ഹുകൾ പാടി

സഞ്ചാരം തുടരുന്നവർക്കൊപ്പം ഞാൻ ഇല്ലല്ലോ!

മഴത്തുള്ളികളായി മുത്തമിടുവാൻ വെമ്പുന്ന കാർമേഘങ്ങൾക്കൊപ്പം

ഞാനും തേങ്ങും കണമായിരുന്നെങ്കിൽ 

എന്നിലെ അസൂയയുടെ പർവ്വതങ്ങൾ ഇല്ലാതെയാകുമായിരുന്നു.

ഹേ പ്രിയ സഖി, ഞാൻ ഹിജാസിന്റെ മലചെരുവിൽ 

അന്തിയുറങ്ങുമ്പോഴും മദീനയിലേക്ക് 

ഒരുപാട് ദൂരം കാത്തിരിക്കുവാനുണ്ടോ?